5. Cwestiynau Cyffredin

Tir

C: Rydym am ehangu ein busnes ac adleoli, ond rydym yn cael trafferth nodi tir neu leiniau adeiladu sydd ar gael ar gyfer ein cynigion. Pwy all ein helpu gyda hyn?

A: Cyfrifoldeb y busnes yw chwilio a sicrhau unrhyw dir sydd ei angen ar gyfer eich datblygiad. O fewn pob ardal Awdurdod Lleol, mae Cynllun Datblygu Lleol ar waith sy'n nodi lle byddai mathau penodol o ddatblygiad yn dderbyniol (mewn egwyddor). Dylai busnesau gysylltu â'r tîm Cynllunio Lleol i ddechrau trafodaeth gychwynnol os ydynt yn dal i chwilio am safleoedd posibl.  Fel arall, mae cysylltu ag asiantau tir lleol a/neu Ymgynghorwyr Cynllunio yn ffordd dda o gefnogi eich proses o chwilio am dir.

C: Rydym yn ymwybodol bod Bargen Twf Canolbarth Cymru yn cefnogi cynlluniau datblygu eiddo masnachol eraill ledled y rhanbarth. A fydd cwmnïau sydd am ehangu yn cael cyfle i adleoli i'r safleoedd hyn?

A: Byddant, mae hynny'n bosibl, ond ni all y rhai sy'n dymuno gwneud hynny sicrhau cymorth ariannol drwy Gronfa Buddsoddi Eiddo Masnachol Canolbarth Cymru gan y bydd cyllid y Fargen Twf eisoes wedi'i gysylltu â'r datblygiadau hynny ar gyfer creu'r gofod masnachol rydych chi'n ei geisio. Bydd angen i chi drafod eich cynlluniau adleoli gyda'r partïon hynny sy'n datblygu'r safleoedd hynny ar wahân.

C: Mae rhai safleoedd/lleiniau adeiladu presennol yn eiddo i Lywodraeth Cymru; a all y Tîm Rheoli Cronfa helpu i wneud y rhain yn fwy hygyrch i fusnesau?

A: Gallwn helpu drwy godi'r mater hwn yn ein cyfarfodydd cydweithredol gyda Llywodraeth Cymru, ond bydd angen i chi drafod eich cynlluniau adleoli gyda nhw ar wahân.

C: Rydym yn berchen ar dir, ond mae y tu allan i'r ffin anheddu a ddangosir yn y Cynllun Datblygu Lleol, a fyddai ei ddatblygu at ddefnydd masnachol yn gwneud gwahaniaeth i sicrhau cymeradwyaeth gynllunio?

A: Byddai angen gwirio hyn yn uniongyrchol gyda'r Awdurdod Cynllunio Lleol.

C: A yw'n ganiataol cynnwys cost prynu tir mewn costau prosiect?

A: Ydy, ar yr amod bod y safle wedi'i brynu at yr unig ddiben o alluogi'r prosiect.

Math o Brosiect

C: A yw'n gywir nad oes rhaid i gynigion greu adeiladau newydd, ond y byddai ôl-osod/adnewyddu adeiladau presennol yn dderbyniol?

A: Ydy, mae'n bosibl sicrhau cyllid ar gyfer prosiect ôl-osod/ailwampio ar yr amod ei fod yn dal i greu gofod masnachol newydd, fel arfer trwy 'Newid Defnydd Cynllunio', er enghraifft trosi hen uned fanwerthu yn ofod ffatri.

Ariannol

C: Ydych chi'n disgwyl i fusnes ariannu'r prosiect cyfan yn gyntaf ac adennill costau perthnasol wedyn?

A: Ydyn, byddai angen i chi ddangos tystiolaeth o'r costau a gafwyd a chyflwyno'r manylion ar ein ffurflen hawlio yn ôl-weithredol. Gellir adennill costau yn y modd hwn mewn camau, nid dim ond mewn un lwmp. Mae angen i'r costau a dynnir fod yn gostau cyfalaf cymwys sy'n ymwneud yn uniongyrchol â'ch prosiect.

C: Ydych chi wedi creu bandiau gwerth o fewn y Gronfa y mae'n rhaid i gynigion ffitio i mewn iddynt, ac a ydych chi wedi dyrannu cyfran o'r cyllid i bob un?

A: Na, nid ydym wedi gwneud hynny oherwydd nad oeddem yn gwybod sut y byddai'r farchnad yn ymateb, ac nid oeddem am gyfyngu gormod ar strwythur y Gronfa fel y gallwn ei agor i gymaint o fusnesau â phosibl.

C: Ydych chi wedi gosod terfyn is ar gyfer cost gyffredinol prosiect?

A: Oes, isafswm gwerth y prosiect yw £250,000.

C: Rwy'n deall y bydd uchafswm cyfradd ymyrraeth y Gronfa ar brosiect yn 45% o gost gyffredinol y prosiect. A fydd gwerth unrhyw gyllid sector cyhoeddus yn cael ei ystyried ynhyn?

A: Gellir defnyddio cyllid sector cyhoeddus (ond NID arian grant sector cyhoeddus arall) fel rhan o gynigion cyllid cyfatebol prosiect.

Gwerthusiad

C: Sut bydd y Gronfa yn hyrwyddo Economi Gylchol, gan gefnogi'r gadwyn gyflenwi adeiladu leol yng Nghanolbarth Cymru yn hytrach na mynd allan o'r rhanbarth?

A: Byddem yn annog busnesau sy'n gwneud cais am gyllid i gydymffurfio â'n Canllawiau Caffael a ddarperir ac, o ran cynaliadwyedd, i ddefnyddio contractwyr lleol i gyflawni eu prosiectau lle bynnag y bo hynny'n ymarferol.

C: Yn y gorffennol mae'r grantiau hyn weithiau wedi cael eu rhoi i gwmnïau nad ydynt yn broffidiol. Sut byddwch chi'n ystyried hyn a rhoi sylw i'r canfyddiadau yn eich penderfyniadau wrth asesu cynigion?

A: Byddwn yn cynnal rhai gwiriadau cyn-gymhwyso ar sefyllfa busnes fel rhan o'n proses werthuso. Mae'r ffurflenni cais yn gofyn am fanylion sefyllfa cwmni ac am fanylion perchnogaeth ac ati, ond byddwn hefyd yn cynnal gwiriadau diwydrwydd dyladwy ehangach ym mhob cam y prosiect. Bydd cwmnïau sy'n methu â bodloni'r gofynion hyn yn cael eu gwahardd rhag cymryd rhan yn y Gronfa.

C: Pwy sydd ar eich Panel Gwerthuso'r Gronfa?

A: Grŵp cymharol fach ydyw ar hyn o bryd, sy'n cynnwys pennaeth Timau'r Economi o bob Cyngor, Uwch swyddog cyllid ac aelodau o'r Tîm Rheoli Cronfa. Rydym yn rhagweld bod angen dod â sgiliau ehangach i mewn ar gyfer asesu agweddau penodol ar geisiadau, yn enwedig cynigion dylunio a chostau prosiect.

Cysylltiadau

C: Ble alla i fynd am gymorth pellach i lunio cynnig?

A: Parhewch i gysylltu â'r Tîm Rheoli Cronfa, ond gallwch hefyd gyfeirio at dudalen Cyswllt ein gwefan lle rydym wedi darparu rhestr o sefydliadau (a'u manylion cyswllt) sy'n barod i'ch cefnogi drwy'r broses. Mae'r rhain yn cynnw.